Ez Koçer im

Ez koçer im penêr tînim
Kuçe kuçe digerînim
Derdê min nan penêr nîne
Min dixwest carek te bibînim

Îro dîsa min te nedît
Ji sibê re Xwedê mezin
Rêya te heta emrê min çû
Ez û penêr tev dihelin

Ez koçerê eşqa te me
Di nav kuçeyan kevirê te me
Kevir dibêjin 'te rê şaş kir'
Nizanin serxweşê te me

Ez koçer im penêr tînim
Kolan kolan digerînim
Herdu çav jî li hev xeyidî
Ez ê çawa te bibînim