Be Ziman Nîye, Îxlas Hîsab e

Berdtaşê ’eşqî Xuday kewte ser
Xuway xoş ewîst, le ra bê xeber

Bo xwaperistî çûwe kêwî Tor
şaxekey taşî bo xoy kird be jûr

Way dezanî Xuwa wek ême wa ye
Derbestî nan û niwên û kewa ye

Deygut: Xuday xom, bînayî çawan
Rojê were lam bibe be mîwan!

Dest û pêt eşom be sabûn û aw
Nallçey pêllawit egirme ser çaw

Eçim le lay şiwan şîrit bo dênim
’ûd û bixûrit bo desûtênim

Mandûy? Serxewê bişkêne le lam
Êşkit egirim. Metirse, aza m!

Eparrayewe herwa eynalland
Be soz û giryan cergî esûtand

Ta rojê Mûsa çûbuwe kêwî Tor
Giwêy le dengê bû, eynalland le dûr

çû pêy wit: Kabra, boç to nazanî
Xuwa beşer nîye bêt be mîwanî

Carê min gutim: Xotim nîşan de!
Fermûy: Nambînî. Xot ezyet mede

Sengteraş girya be dillşikawî
Xuwa fermûy: Mûsa to natewawî

Xoşewîstî min boç errencênî?
Ew dilley minî tiya m eyşkênî?

Ewî be ziban zîkrî min deka
Hîç e. Em bo min wa kêw kun deka