Bestey Mektebî Kiçan

çend xoş e hestanî demî beyanyan
Bo giyanî rûn nûr debarê le asman

Le cê hestam cirîwey çoleke hat
çawim şûşt û cilim gorrî, roj hellat

çam xwardewe û cantam girt be destewe
Hatime mekteb çûme sinfî dersewe

ça, bû şukir be dersim da geyiştim
Dîte? Zû hestabûm, çak tê geyiştim

Rûm kirde Xuwa be dill lêy parramewe
înca lêy danîştim be aramewe

Bîrî emem dekirdewe, axo dejîn
Bem xwêndine kellkî nîştiman bigrîn?

Bellê boye arezûy xwêndin ekem
Her xwêndin e awa ka willatekem

Roj le rojhellat hellat bem xwêndine
Xwêndin bo diwarroj wek towçendin e

Tow deçênim mîllet pêy derrwêtewe
Bem koşişe pere egirê netewe

Wilatim awa bê, minîş ke mirdim
Rohim nîgehbanî ye, kiçe kurd im