Lalelav

Xwedan malî, xwedan perde
Cihê te geş, hemî erd e
Bi awazî, tena denga
Te xuliqandî, te kir ava
Tu hem derdî, tu hem darû
Te kir meh ro te kir şev ro
Te naxafa, te naxurde
Tu davêjî dilan perde

Ya reb tu heyî, tu rehm û nûr î
Tu destek î tu hesin û şûr î
Tu rehm î, tu efserê mela yî
Gencîneyê tev, şeh û geda yî
Ya reb tu î, tu şahê dewran
Textê te li ser stêr û ezman
Textê te ser efserên şehan e
Bejna te ji çavê min nihan e
Ser çend şehan tu bûyî xunkar
Lewra ne dikir tukes jî înkar
Ya reb tu î tu padişahî
Tu merhema her birîn û ahî
Bexşende tu î lê derdmend im
Serferişk î mam û jar û bend im

Hawar, hejmar 3, 15 Hezîran 1932