Mirin Bi Xwe Bû Çûyîna Te

Pesnê çûyîna te ji xeyalên me re dikim
Bi gotinên dûr ji wijdan

Ne ji rehma wan bîranînên nebaliq bûya
Dê ez jî li pey te bihatama
Bi gavên tirsonek û xefikî

Min ê bost bi bost
Ramûsanên têrstirî danîna li ser rêya te
Û min ne dihişt tu min bihêlî û biçî

Sewda bi sewda
Dê li bajarên biyan li dewsa piyên te bigeriyama
Bi dilekî şikestî û bi hêviyek nîvmirî

Ger min tu bidîtayî
Minê bi awaza xwe ya xemgîn
Û bi rîtmeke têr bi hesret
Biqîriyama
Min jî bi xwe re bibe

Lê çi bikim
Aşîkar e her tişt
Cihê vî dilî li wî dilî nîne

Bêhempabûyîna êşa çûyîna te ya payeberz
Destê min ji jiyanê şûşt

Lewre mirin bi xwe bû çûyîna te
Û dê li pey te neyêm

Çûyîna te her çendî ez nekuştibim jî
Hatina te min li jiyanê venagerîne
Êdî bê fikar li hemî êşan dibanim.

Mijdar.2019.Isparta
*Bi destûra helbestvanî ye.