Ahmedê Mala Mûsa

Lê mala min, lê lê
Lê mala min, lê lê

Heyfa dilê min mehkûmê,
min rebenê, lê dil ketinê
Hûnê çawa bikûjin xweşmêra,
ji bo xatirê min rebenê.
Heyfa çavên reş û belek,
hûn dibînin îro ax ketin ê.

Lê mala min, lê lê
Lê mala min, lê lê

Ahmedê Mala Mûsa çi xweşmêr e,
Hunermend e, tembûrvan e
Tesbîh di destê wî de, ji kevrê şadî,
lê ji kehriban e

Heyfa çavên reş û belek,
hûn dibînin îro ax ketin ê.

Lê mala min, lê lê
Lê mala min, lê lê

Dayê hatî cejna Qurbanê
Pismamê min bang kir got:
Ahmedê Mala Mûsa birîndar e.
li aliyê lê... li eywanê
Gava ez çûm mi bi çavê serê xwe dî,
hawar e dayê,
hawar e dayê,
hawar e dayê…

Heyfa çavên reş û belek,
hûn dibînin îro ax ketin ê.

Lê mala min, lê lê
Lê mala min, lê lê

Gotin: Gelerî