Di Ser Çavên Me Re Hatî (Navşêrîna Min)

Tu hatî navşêrîna min
Evîn û xemrevîna min
Were xweş ke birînê min

Bi xemla xwa tu wek Zîn î
Şepal û şeng û şêrîn î
Ji dozê ra tu durbîn î

Bi dildara xwe pir rind î
Bi rûheyv û şekerxendî
Di vê rê de hunermend î

Bi dildara xwe pir rind î
Bi rûheyv û şekerxendî
Di vê rê de hunermend î

Ji min can û ceger kuştin
Dil û mêlak hemî mijtin
Tijî tîr û ber û xiştin
Bese ev jîna berbatî

Ji min can û ceger kuştin
Dil û mêlak hemî mijtin
Tijî tîr û ber û xiştin
Çi ye ev jîna berbatî

Bes e ey dilber û hogir
Bibarîne li min hawir
Te can û dil kirin agir

Bes e ey dilber û hogir
Bibarîne li min hawir
Te can û dil kirin agir

Xerabatim di meyxanê
Me mey da Ehmedê Xanê
Cizirê te kirî fincanê
Ji kûz û kupê Batî

Xerabatim di meyxanê
Me mey da Ehmedê Xanê
Cizirê te kirî fincanê
Ji kûz û kupê Batî

Hezar û sed evîndar in
Di vê rê de birîndar in
Bi qêrîn û bi hawar in

Hezar û sed evîndar in
Di vê rê de birîndar in
Bi qêrîn û bi hawar in

Cegerxwîn bes bike forta
Te dil da ber şiv û rûta
Bi pîrî, lê wekî xorta
Bi xwe kohê Ereratî

Cegerxwîn bes bike forta
Te dil da ber şiv û rûta
Bi pîrî, lê wekî xorta
Bi xwe kohê Ereratî

Helbest: Cegerxwîn
Muzîk: Xelîl Xemgîn