Serbazî Win

Ke wefdê deçête şwênê,
Bo ser gorrî serbazî win,
Tace gullîneyek dênê.

Eger sibey,
Wefdêk bête willatî min,
Lêm bipirsê:
"kwanê gorrî serbazî win?"

Dellêm:"gewrem!
Le kenarî her cogeyê,
Leser sekoy her mizgewtê,
Le ber dergey her mallê,
Her killêseyê,
Her eşkewtê,
Leser gaberdî her şaxê,
Leser dirextî her baxê,
Lem willat e:
Leser her biste zemînê
Le jêr her geze asmanê,
Metirse! kemêk ser daxe û
Tace gullîneket danê!"