Gulek Hişk Bû

Piştî ku têra xwe bi min kir gêre
Eşqa me îro gindirî berjêr e

Tirsek mezin hilgerî nava dilî
Her wek li ser gerdenê şûr û kêr e

Va ye gulek hişk bû di destê mi de
Demsal ne payîz e gelo ma xêr e

Bîrovekî avêt evîna bedew
Hal tê nema j`derd û xema bêxêr e

Hêvî şikestin hemû ser hev de man
Meyzêne nava dilî va ye şkêr e

Deryake reş ser mi de hat mame tê
Pêlê ji huznê jî dihatin pê re

Bê çiQasî min li ber xwe da, Xuda!
Bêfeyde ye kêferat û bêkêr e

Mam xeniqî l`kevyê evînê ketim
Ev qelbê pak xebînet sed heyf jê re

11.09.2017