Narînê

Xwedyê xizma zêrîn e
Hêj ezeb û qêzîn e
Dibişkivin xuncebaz
Gava li bax meyzîne

Dildaram pir narîn e
Hêj piçûk û jarîn e
Têr nabim xweş kelaman
Pir bi hilm zarşêrîn e

Narînê rûh û canê
Wer em biçin seyranê
Natirsim ji birên te
Min du gurçkê şêran e

Kembera zîv li piştê
Rûniştim ber teniştê
Civatek pir şeng û şox
Ketim qûnçkê beheştê

Singê sipî pîvok in
Du hêk in ser pênok in
Min dest çû ser hêlînê
Zeryam hinek şermok e

Baxê gulan pêsîr e
Mam tê de dil hêsîr e
Xwezî dilê wê mehkûm
Çi hefsek bêqûsûr e