Bellên Bide بەڵێن بدە

بەڵێن بدە کە تاریکیم بۆ ڕانەخەی
بەڵێن بدە کە شەختە بەند ناخەیتە بەر پێم
منیش بەڵێنت پێ ئەدەم دان بە ڕابردووما بنێم
پێش چاوی تۆ، لە پەرداخی وەنەوشەیی چاوی ترم پێک هەڵداوە
پێش نامەی تۆ، قژی گەلێک نامەی ترم داهێناوە
پێش سنگی تۆ، زۆر سنگی تر چەپکەگوڵی تەزووی سوریان بۆ چنیوم
پێش ژوانی تۆ، زۆر ژوانی تر ڕێگەی دووریان پێ بڕیوم
شاعیرێک بووم گەرووی وشکم بە دوای قومێک ئاوا وێڵ بوو
بۆ بارانی هەر ئاسمانێک نووشتامەوە، ئاوی لێڵ بوو

گەر ئەتەوێ خوێنی دەماری شیعرم بی
داستانێک بیت بێ کۆتایی
گەر ئەتەوێ خۆشەویستیت بەدوایدا نەیەت، ماچی ساردی ماڵئاوایی
بەڵێن بدە، هەناسەم بیت، سێبەرم بیت، بارانم بیت
تاکوو منیش شانۆی کۆنم جێبهێڵم، دەمامکی ڕووم فڕێ بدەم
دوو باڵی پڕخۆشەویستیم لە گەردنت گرێ بدەم

هۆنراوە: عەبدوڵا پەشێو

Belên bide

Belên bide ke tarîkîm bo ranexeyt
Bellên bide ke şexte bend nakeyte ber pêm
Minîş bellênit pê edem dan be rabirdûma binêm
Pêş çawî to, le perdaxî wenewşeyî çawî tirim pêk helldawe
Pêş namey to,qijî gelêk namey tirim dahênawe
Pêş singî to, zor singî tir çepke gullî tezuwî suryan bo çinîwim
Pêş jiwanî to, zor jiwanî tir rêgay dûryan pê birîwim
Şa’rêk bûm gerûy wişkim be dway qumêk awa wêl bû
Bo baranî her asmanêk nuştamewe, awî lêl bû

Ger etewê xwênî demarî ş’rm bî
Dastanêk bît bê kotayî
Ger etewê xoşewîstît be dwayda neyet, maçî sardî malawayî
Bellên bide,henasem bît, sêberim bît, baranim bît
Taku minîş şanoy konim cêbihêllim demamkî rûm firê bidem,
Dû ballî pirr xoşewîstîm le gerdinit girê dem

Hozan: Ebdulla peşêw