Lew rojewe

Lew rojewe, lew rojewe çawim be diniya helhêna
Derd û pejare û keserim bo daykî damawim hêna
Xeyal û xoşî mindalî her zû xoyan lê torandim
Nekey, neçî, eto kiçî, perdey gwêyan pê xarandim
Tirs û dûdilî û bêdengî bûn be hawrêm, bûn be hawrêm

Yasawlî sukî û nengî hatine ser rêm, hatine ser rêm
Neyanhêştim be wîsty xom take hengawêk helihênim
Teniya carêk razî dilim be azadî bidirkênim
Fêriyan kirdim firmêskekan le la pesîwan helrijim
pêkenîn û zerdexene be pencekanim binêjim
Ke gewre bûm, xemekanim xemî dîkeyan hate ser
Xorî ewînêkî pîroz le tamy dilim hate der

Lew rojewe, lew rojewe çawim be diniya helhêna
Derd û pejare û keserim bo daykî damawim hêna
Barî janî kîjanî wekû xomim le kol na
Be hewraz û nişêw da, berew cêjiwan mlî rêgem na
Lew rojewe hestekanim awêtey xoşewîstiye
Be hîway le amêznanî korpey rastî û serbestî ye
Lew rojewe, lew rojewe çawim be diniya helhêna
Derd û pejare û keserim bo daykî damawim hêna

Hozan: Sara Feqê